Enginn De Bruyne á Old Trafford

Kevin De Bruyne.
Kevin De Bruyne. AFP

Nær öruggt þykir að belgíski landsliðsmaðurinn Kevin de Bruyne hjá Manchester City missi af leik sinna manna gegn Manchester United þegar liðin eigast við í ensku úrvalsdeildinni á Old Trafford á miðvikudagskvöldið.

De Bruyne tognaði í læri í leiknum gegn Tottenham á laugardaginn og þurfti að fara af velli eftir 38 mínútur.

Með sigri gegn United kemst City á topp deildarinnar. Liverpool, sem vann Cardiff á útivelli í gær, er í toppsætinu með 88 stig og á þrjá leiki eftir en City er með 86 stig og á fjóra leiki eftir.

mbl.is
Fleira áhugavert
Fleira áhugavert