Portúgalski miðjumaðurinn Bernardo Silva var valinn leikmaður ársins af stuðningsmönnum Manchester City .
Silva átti frábært tímabil með City, sem varð þrefaldur meistari. Portúgalinn lék 51 leik með Manchester-liðinu á tímabilinu. Hann skoraði 13 mörk og gaf 13 stoðsendingar.
Rúmlega 62 þúsund manns tóku þátt í valinu og hlaut Silva 48% atkvæðanna en hann hafði betur í baráttunni við Raheem Sterling og Sergio Agüero.
Silva tók á móti viðurkenningu sinni í gær í sigurhátíð Manchester City en leikmenn liðsins óku um götur Manchester-borgar í opnum strætisvagni.