Yfirvöld í Aserbaídsjan segja að Armeninn Henrikh Mkhitaryan, leikmaður Arsenal, geti tekið þátt í úrslitaleiknum gegn Chelsea í Evrópudeild UEFA sem fram fer í Bakú í Aserbaídsjan 29. þessa mánaðar.
Arsenal send frá sér yfirlýsingu í morgun þar sem kom fram að Mkhitaryan færi ekki með liðinu til Bakú af öryggisástæðum en Armenía og Aserbaídsjan eru fjandþjóðir sem hafa átt í átökum sín á milli í fjölda ára.
Yfirvöld í Aserbaídjan segja hins vegar að öryggi Mkhitaryan verði ekki ógnað.
„Þrátt fyrir erfitt samband á milli Aserbaídsjan og Armeníu getur Mkhitaryan spilað úrslitaleikinn í Evrópudeildinni í Bakú,“ sagði Leyla Abdullayeva, talsmaður utanríkisráðuneytisins í Aserbaídsjan, í samtali við AFP-fréttastofuna.