City að hafa betur gegn United

Enska knattspyrnufélagið Manchester City leiðir kapphlaupið um Harry Maguire, varnarmann Leicester City, en það eru enskir fjölmiðlar sem greina frá þessu í dag. Manchester United hefur mikinn áhuga á miðverðinum öflugu sem mun að öllum líkindum yfirgefa Leicester City í sumar.

Maguire vill hins vegar frekar fara til City, þótt United sé tilbúið að borga honum hærri laun, en leikmaður vill spila í Meistaradeild Evrópu á næstu leiktíð og þá er hann einnig spenntur að spila fyrir Pep Guardiola, knattspyrnustjóra Manchester City. 

Leicester vill fá í kringum 80 milljónir punda fyrir enska landsliðsmanninn en United reyndi að klófesta Maguire síðasta sumar þegar José Mourinho var knattspyrnustjóri liðsins. Maguire byrjaði 31 leik fyrir Leicester á síðust leiktíð í ensku úrvalsdeildinni þar sem hann skoraði 3 mörk.

• Blogga um frétt