Inter Mílanó frá Ítalíu slapp heldur betur með skrekkinn er liðið fékk Tékklandsmeistara Slavia Prag í heimsókn í 1. umferð riðlakeppninnar í Meistaradeild Evrópu í fótbolta í kvöld.
Peter Olayinka kom Slavia Prag yfir á 63. mínútu og var staðan 1:0 allt þar til á annarri mínútu uppbótartímans er Nicoló Barella jafnaði metin og tryggði Inter eitt stig.
Í Lyon gerðu heimamenn og Zenit frá Pétursborg einnig 1:1-jafntefli. Sardar Azmoun kom Zenit yfir á 41. mínútu en Memphis Depay jafnaði fyrir Lyon úr víti á 51. mínútu og þar við sat.
Slavía Prag og Inter eru í F-riðli, eins og Barcelona og Dortmund og Zenit og Lyon eru G-riðli með Leipzig og Benfica.