Leicester vann 2:1-sigur á Tottenham og skellti sér í 2. sæti ensku úrvalsdeildarinnar í knattspyrnu eftir fjörugan leik á King Power-leikvanginum í dag.
Ricardo Pereira og James Maddison skoruðu mörk Leicester í seinni hálfleik eftir að Harry Kane hafði komið Tottenham yfir í fyrri hálfleik.
Eftir mikið VAR-drama og skemmtilegan leik, var það Leicester sem hafði betur. Hér að ofan má sjá svipmyndir úr leiknum.