Tottenham bjargaði stigi - Chelsea á skriði
Setja bókamerki
Tottenham bjargaði stigi á heimavelli gegn Watford í ensku úrvalsdeildinni í knattspyrnu í dag er Dele Alli jafnaði metin í 1:1-fyrir heimamenn undir lok leiks. Chelsea vann sinn þriðja deildarleik í röð með því að leggja Newcastle að velli, 1:0, og góð byrjun Leicester á tímabilinu hélt áfram með 2:1-sigri á Burnley.
Það hefur gengið illa hjá Tottenham undanfarið og mikil pressa sögð vera á knattspyrnustjóranum Mauricio Pochettino og batnaði staðan ekki í Lundúnum í dag þegar Abdoulaye Doucouré kom Watford yfir strax á 6. mínútu. Dele Alli jafnaði metin á 86. mínútu til að bjarga stigi fyrir heimamenn en nær komust þeir þó ekki. Tottenham er í 7. sæti deildarinnar með 12 stig eftir níu leiki. Watford er enn á botninum með fjögur stig en liðið hefur enn ekki unnið leik.
Chelsea er komið upp í þriðja sætið, upp fyrir Englandsmeistara Manchester City sem eiga leik síðar í dag, eftir 1:0-heimasigur á Newcastle. Marcos Alonso skoraði eina mark leiksins á 73. mínútu til að tryggja Chelsea stigin en liðið hefur nú unnið þrjá deildarleiki í röð og fimm leiki í öllum keppnum.
Úrslitin
Aston Villa - Brighton 2:1
Bornemouth - Norwich 0:0
Chelsea - Newcastle 1:0
Leicester - Burnley 2:1
Tottenham - Watford 1:1
Wolves - Southampton 1:1
| Enski boltinn í beinni |
|
||
|---|---|---|---|
| Textalýsing LEIK LOKIÐ! Aston Villa - Brighton 2:1. | |||
Hernaðaraðstoð samþykkt – Vopnasendingar í vikunni
„Á réttri leið en nokkuð í land ennþá“
Veiting hvalveiðileyfis ekki brot á EES-samningi
Tveir í bílnum sem lenti utan vegar
Handtekin eftir að tvö börn fundust látin
Skar höfuðleðrið af íslenskri konu