Manchester United og Liverpool urðu að sættast á 1:1-jafntefli á Old Trafford í níundu umferð ensku úrvalsdeildarinnar í knattspyrnu í dag. Marcus Rashford kom heimamönnum yfir í fyrri hálfleik í gæðalitlum leik áður en Adam Lallana bjargaði stigi fyrir toppliðið undir lokin.
Jafntefli var niðurstaðan og Liverpool er áfram á toppnum, nú með 25 stig, sex stigum fyrir ofan Manchester City. United er í 13. sæti með tíu stig.