Arsenal mistókst að komast upp í þriðja sæti ensku úrvalsdeildarinnar í knattspyrnu í kvöld en Lundúnaliðið varð að sætta sig við 1:0 tap gegn nýliðum Sheffield United á Bramall Lane í Sheffield.
Það var Frakkinn Lys Mousset sem skoraði sigurmarkið með skoti af stuttu færi á 30. mínútu leiksins en hann fékk sæti í byrjunarliðinu í fyrsta sinn í kvöld.
Nýliðarnir unnu svo sannarlega vel fyrir sigrinum. Þeir voru baráttuglaðir og skipulagðir og náðu að halda liðsmönnum Arsenal algjörlega í skefjum.
Með sigrinum komst Sheffield United upp í 9. sæti deildarinnar með 12 stig en Arsenal er áfram í 5. sætinu með 15 stig.
Sheffield United | 1:0 | Arsenal | Opna lýsingu Loka | |
---|---|---|---|---|
90. mín. Leik lokið +5 Frábær sigur nýliðanna sem eru komnir upp í 9. sætið. | ||||
Augnablik — sæki gögn... |