Tvö vítaklúður og fjögur mörk hjá United (myndskeið)
Setja bókamerki
Manchester United vann kærkominn 3:1-sigur á Norwich á útivelli í ensku úrvalsdeildinni í fótbolta í dag. Með sigrinum fór United upp í sjöunda sæti og 13 stig, en tap hefði þýtt að liðið væri komið í fallbaráttu.
Scott McTominay kom United yfir á 21. mínútu og Marcus Rashford fékk gullið tækifæri til að tvöfalda forskotið á 29. mínútu en Tim Krul í marki Norwich varði vítaspyrnu frá honum. Rashford var hins vegar snöggur að kvitta því hann skoraði aðeins mínútu seinna er hann slapp í gegn.
United fékk aðra vítaspyrnu á 44. mínútu og var þá komið að Anthony Martial. Sem fyrr stóð Krul vel í markinu og varð hann aftur. Martial gafst hins vegar ekki upp, frekar en Rashford, og skoraði Frakkinn þriðja mark United á 73. mínútu.
Onel Hernández minnkaði muninn tveimur mínútum fyrir leikslok og þar við sat. Norwich er í næstneðsta sæti með sjö stig.
Í spilaranum hér fyrir ofan má sjá öll mörkin, vítaspyrnurnar og önnur tilþrif úr leiknum.
/frimg/1/48/74/1487454.jpg)
Heldur inn í nóttina tuttugu kílóum léttari
Krefjast stöðvunar framkvæmda
„Hvílir mikil leynd yfir þessu öllu“
Tveir í bílnum sem lenti utan vegar
Handteknir eftir myndatöku í Vesturbæjarlaug
Shakespeare fannst í skókassa
Vélsleðaslys: Þyrlan kölluð út á mesta forgangi