VAR skapað fleiri vandamál en lausnir

Stuðst var við myndbandsdómgæslu í bandarísku NFL-deildinni í fyrsta sinn árið 1985. Ég er fæddur árið 1985 og man því ekki vel eftir þessum tíma. Það var ekki beint almenn ánægja með þessa ákvörðun Kanans á sínum tíma. „Mannleg mistök eru hluti af leiknum“ var stærsta röksemdafærslan hjá þeim sem voru á móti myndbandsdómgæslu og fannst mörgum að mannlegi þátturinn hyrfi um leið og stuðst yrði við myndbandsdómgæslu.

Byrjað var að sýna frá leikjum í NFL-deildinni að staðaldri í kringum 1950 í Bandaríkjunum en þá var sýnt frá öllum leikjum Los Angeles Rams og Washington Redskins. Önnur lið fylgdu svo fljótlega í kjölfarið og var strax farið að kalla eftir því að stuðst yrði við myndbandsdómgæslu í deildinni. Enska úrvalsdeildin í knattspyrnu tók nýlega upp á því að styðjast við myndbandsdómgæslu.

Bakvörðinn í heild sinni er að finna á íþróttasíðum Morgunblaðsins í dag.