Staðarmiðillinn Manchester Evening News veltir því fyrir sér í kvöld hvort Króatinn Mario Mandzukic gæti verið á leiðinni til Manchester United.
Vitnar miðillinn í Il Bianco Nero sem fullyrðir að United hafi gert Juventus tilboð í leikmanninn og hann sé tilbúinn til að færa sig á Old Trafford.
Samkvæmt ítalska miðlinum verðleggur Juventus Króatann á 10 milljónir evra og mun það standa í forráðamönnum United. Þeir hafi áhuga á leikmanninum en vilji borga minna.
Mario Mandzukic er 33 ára og þekkt stærð í boltanum eftir að hafa sannað sig hjá liðum eins og Bayern München, Atlético Madríd og Juventus.