David de Gea, markmaður Manchester United, viðurkennir að liðið skorti gæði. United hefur enn ekki tekist að vinna tvo leiki í röð í ensku úrvalsdieldinni á leiktíðinni og er liðið í níunda sæti með 17 stig, 20 stigum frá toppliði Liverpool.
„Fyrri hálfleikurinn á móti Sheffield United var hræðilegur, einn sá versti á árinu. Úrslitin hafa ekki verið nægilega góð heilt yfir, en við gerðum betur í seinni hálfleiknum. Við verðum að vinna svona leiki og ná 4-5 sigrum í röð til að nálgast toppinn.
Við erum að gefa allt sem við eigum, en það vantar stöðuleika. Við getum bætt okkur mikið. Strákarnir eru að gera allt hvað þeir geta á æfingum, en kannski vantar meiri gæði,“ sagði De Gea í samtali við Sky Sports.
United býður Aston Villa á Old Trafford á sunnudag og getur United farið upp í 20 stig og fimmta sæti með sigri.