Samkvæmt breskum veðbönkum þykir Massimiliano Allegri líklegastur til að taka við Arsenal en Unai Emery var látinn fara frá félaginu á dögunum.
Allegri er Ítali og stýrði síðast Juventus fram á sumar en hefur einnig stýrt AC Milan.
Svíinn Freddie Ljungberg sem nú stýrir Arsenal tímabundið þykir næst líklegastur og á eftir honum kemur Brendan Rodgers sem er í toppbaráttunni með Leicester City.
Spánverjinn Mikel Arteta sem lék um tíma með Arsenal þykir einnig nokkuð líklegur.