Manchester United hafði betur gegn Tottenham er liðin mættust á Old Trafford í Manchester í ensku úrvalsdeildinni í fótbolta í kvöld, 2:1. Marcus Rashford skoraði bæði mörk United og kom sigurmarkið á 49. mínútu úr vítaspyrnu.
Tapið er það fyrsta hjá José Mourinho síðan hann tók við Tottenham í síðasta mánuði, en hann var einmitt rekinn frá Manchester United í desember á síðasta ári.
Í spilaranum hér fyrir ofan má sjá það helsta úr leiknum, en hann var í beinni útsendingu á Símanum sport.