Eiður Smári Guðjohnsen er sannfærður um að franski knattspyrnumaðurinn Paul Pogba muni yfirgefa Manchester United í janúar. Pogba byrjaði á varamannabekk United er liðið vann Newcastle í gær.
Eiður greindi frá þessu í Vellinum á Símanum sport, en hann var gestur í þættinum ásamt Magréti Láru Viðarsdóttur. Tómas Þór Þórðarson er þáttastjórandni.
Pogba hefur lítið spilað með United á leiktíðinni vegna meiðsla og segir Eiður að það sé verið að senda skilaboð með því að hafa miðjumanninn á bekknum. Þau skilaboð séu að hann muni fara frá liðinu.
Þetta áhugaverða innslag um Manchester United má sjá í spilaranum hér fyrir ofan.