Manchester City vann afar sannfærandi 6:1-sigur á Aston Villa í ensku úrvalsdeildinni í fótbolta í dag. City skoraði sex fyrstu mörk leiksins og hefði munurinn getað verið meiri, áður en Villa skoraði sárabótarmark í uppbótartíma.
Sergio Agüero skoraði þrennu fyrir City og er hann kominn með 177 mörk í ensku úrvalsdeildinni, meira en nokkur annar erlendur leikmaður, en Thierry Henry var áður markahæstur með 175 mörk.
Leikurinn var sýndur í beinni útsendingu á Símanum sport, en mbl.is færir ykkur efni úr enska boltanum í samvinnu við sjónvarpsstöðina.