Bikarkeppnin ræður ríkjum í enska fótboltanum um þessa helgi en 32ja liða úrslitin eru leikin á fjórum dögum. Fyrstu leikirnir eru í kvöld, flestir á morgun, en fjögur af stóru liðunum spila sína leiki á sunnudag og mánudag.
Þrjár innbyrðis viðureignir úrvalsdeildarliða eru í þessari umferð. Southampton fær Tottenham í heimsókn og Burnley, lið Jóhanns Bergs Guðmundssonar, tekur á móti Norwich. Loks eigast Bournemouth og Arsenal við á mánudagskvöldið.
Jón Daði Böðvarsson og samherjar í Millwall, sem eru í efri hluta B-deildarinnar, fá úrvalsdeildarlið Sheffield United í heimsókn á morgun.
Eina D-deildarliðið sem eftir er í keppninni er Northampton Town sem fær B-deildarlið Derby County í heimsókn í kvöld. Bikarleikirnir eru þessir um helgina:
Föstudagur:
20.00 Northampton - Derby
20.00 QPR - Sheffield Wednesday
Laugardagur:
12.45 Brentford - Leicester
15.00 Burnley - Norwich
15.00 Coventry - Birmingham
15.00 Millwall - Sheffield United
15.00 Newcastle - Oxford
15.00 Portsmouth - Barnsley
15.00 Reading - Cardiff
15.00 Southampton - Tottenham
15.00 West Ham - WBA
17.30 Hull - Chelsea
Sunnudagur:
13.00 Manchester City - Fulham
15.00 Tranmere - Manchester United
17.00 Shrewsbury - Liverpool
Mánudagur:
20.00 Bournemouth - Arsenal