Tottenham hefur náð samkomulagi við PSV Eindhoven um kaup á hollenska landsliðsmanninum Steven Bergwijn, samkvæmt frétt BBC í dag.
José Mourinho knattspyrnustjóri Tottenham leitar að mönnum til að fylla skarð Harry Kane sem er frá keppni vegna meiðsla fram á sumar og Christians Eriksens sem er á leið til Inter Mílanó og skrifar væntanlega undir þar í dag.
Bergwijn er 22 ára gamall kantmaður eða framherji sem hefur skorað 29 mörk í 112 leikjum fyrir PSV í hollensku úrvalsdeildinni og á sjö landsleiki að baki fyrir Holland. Talið er að PSV vilji fá 27 milljónir punda fyrir hann og félögin hafa átt i viðræðum um kaupverð að undanförnu. BBC segir að nú séu þau búin að ná saman í öllum aðalatriðum.