Watford er enn í nítjánda og næstneðsta sæti ensku úrvalsdeildarinnar í fótbolta eftir 1:1-jafntefli við Brighton á útivelli í síðari leik dagsins í deildinni í dag.
Brighton byrjaði töluvert betur og var líklegri aðilinn framan af. Það kom því gegn gangi leiksins er Abdoulaye Doucouré kom Watford yfir á 19. mínútu. Það reyndist eina mark fyrri hálfleiksins.
Brighton var áfram sterkari aðilinn í seinni hálfleiks og verðskuldað jöfnunarmark kom loks á 78. mínútu er Adrian Mariappa setti boltann í eigið mark og þar við sat.
Watford er með 24 stig, einu stigi frá öruggu sæti í deildinni. Brighton er í 15. sæti með 27 stig.