Liverpool er komið með 25 stiga forskot á toppi ensku úrvalsdeildarinnar í fótbolta eftir 1:0-sigur á botnliði Norwich á útivelli í kvöld.
Varamaðurinn Sadio Mané skoraði sigurmarkið rúmum tíu mínútum fyrir leikslok, en Norwich fékk fín færi til að skora í leiknum. Alisson stóð hins vegar vaktina vel í markinu.
Liverpool er nú með 76 stig, 25 stigum meira en Manchester City. Norwich er í botnsætinu með 18 stig, sjö stigum frá öruggu sæti.
Svipmyndir úr leiknum má sjá í myndskeiðinu hér fyrir ofan en mbl.is færir ykkur efni úr enska boltanum í samvinnu við Símann sport.