Arsenal vann öruggan 4:0-sigur á Newcastle á heimavelli í ensku úrvalsdeildinni í fótbolta á Emirates-vellinum í dag. Staðan í hálfleik var markalaus en Arsenal sýndi allar sínar bestu hliðar í seinni hálfleik.
Pierre-Emerick Aubameyang braut ísinn eftir stoðsendingu frá Nicolas Pépé á 54. mínútu. Aðeins þremur mínútum síðar skoraði Pépé sjálfur annað markið. Mesut Özil skoraði þriðja markið á 90. mínútu og varamaðurinn Alexandre Lacazette gulltryggði 4:0-sigur Arsenal með marki í uppbótartíma.
Svipmyndir úr leiknum má sjá í myndskeiðinu hér fyrir ofan en mbl.is færir ykkur efni úr enska boltanum í samvinnu við Símann sport.