Chelsea vann afar mikilvægan sigur á Tottenham, 2:1, í fyrsta leik 27. umferðar ensku úrvalsdeildarinnar í knattspyrnu. Liðin eru í harðri baráttu um meistaradeildarsæti en eftir sigurinn hefur Chelsea 44 stig í 4. sætinu á meðan Tottenham hefur 40 stig í 5. sæti.
Chelsea komst í 2:0 með mörkum Olivier Giroud og Marcos Alonso í sitt hvorum hálfleiknum en hinn þýski Antinio Rüdiger varð fyrir því óláni að skora sjálfsmark er hann fékk skot Eric Lamela í sig sem færði smávægilega spennu í leikinn á lokamínútunum.
Mörkin úr leiknum má sjá í spilaranum hér fyrir ofan en mbl.is færir ykkur efni úr enska boltanum í samvinnu við Símann sport.