Áfall í fallbaráttunni

Enska knattspyrnufélagið West Ham hefur staðfest að bakvörðurinn Ryan Fredericks verður frá keppni næstu sex vikurnar eða svo, vegna axlarmeiðsla sem hann varð fyrir í leik gegn Manchester City í síðustu viku. 

Fredericks þurfti að fara í aðgerð vegna meiðslanna og að sögn félagsins gekk aðgerðin vel. Leikmaðurinn hefur leikið 21 leik fyrir West Ham á leiktíðinni, en liðið er í 18. sæti deildarinnar, einu stigi frá öruggu sæti.

Fyrr í vikunni var staðfest að tékkneski miðjumaðurinn Tomas Soucek verður frá keppni næstu þrjár vikurnar vegna axlarmeiðsla. Næsti leikur West Ham er gegn Southampton á heimavelli á laugardag. 

• Blogga um frétt