Margrét Lára Viðarsdóttir og Magnús Már Einarsson ræddu við Tómas Þór Þórðarson um tap Liverpool gegn Watford í ensku úrvalsdeildinni í Vellinum á Símanum sport.
Um fyrsta tap Liverpool í ensku úrvalsdeildinni var að ræða á þessari leiktíð og að mati sérfræðinga Vallarins var frammistaðan ekki upp á marga fiska.
„Ótrúlega slakur dagur hjá Liverpool-mönnum en segir okkur það líka að þeir eru mannlegir. En ég er ekkert svo viss um að Klopp hafi grátið mikið í koddann í gærkvöldi því að ef hann hefði átt að velja einhvern leik á tímabilinu í einhverjum keppnum þá hefði það eflaust verið þessi leikur á þessum tímapunkti á móti Watford á útivelli. Þetta er enginn dauðadómur fyrir Liverpool. Þeir þurftu alltaf að taka út þennan slæma dag,“ sagði Margrét Lára.
Innslagið má sjá í spilaranum hér að ofan en mbl.is færir ykkur efni úr enska fótboltanum í samvinnu við Símann sport.