Nálgast nýjan samning hjá Everton

Dominic Calvert-Lewin.
Dominic Calvert-Lewin. AFP

Enski knattspyrnufram­herj­inn Dom­inic Cal­vert-Lew­in er í viðræðum við Evert­on um fram­leng­ingu á samn­ingi sín­um við fé­lagið.

Hinn 22 ára gamli Cal­vert-Lew­in hef­ur skorað 15 mörk í öllum keppnum í vetur, þar af fimm í síðustu sex úrvalsdeildarleikjum sínum, en Everton er í 11. sæti deildarinnar og hefur gengið vel eftir að Carlo Ancelotti tók við liðinu um síðustu jól. Ítalinn vill ólmur að Calvert-Lewin framlengi við félagið.

„Við erum í viðræðum við hann og ég vona að hann skrifi undir bráðlega, við viljum halda honum hér í framtíðinni,“ sagði Ítalinn á blaðamannafundi sínum fyrir leik Everton og Chelsea um helgina.

Cal­vert-Lew­in skrifaði und­ir fimm ára samn­ing í maí 2017, en hann mun hækka þó nokkuð í laun­um með nýja samn­ingn­um. Lið á borð við Manchester United fylg­jast vel með fram­herj­an­um. 

mbl.is
Fleira áhugavert
Fleira áhugavert