Arsenal vill klára tímabilið

Forráðamenn Arsenal eru þeirrar skoðunar að klára eigi yfirstandandi tímabil, þrátt fyrir útbreiðslu kórónuveirunnar. Í dag var efstu deildum Englands frestað ótímabundið.

Frétt af mbl.is

Enska úrvalsdeildin seinna af stað en áætlað var

„Við styðjum það heilshugar að klára þetta tímabil en aðeins þegar yfirvöld gefa grænt ljós. Það er óvíst hvenær við getum haldið áfram en við styðjum að tímabilið verði klárað,“ segir í yfirlýsingu sem félagið sendi frá sér í dag. 

Arsenal var í níunda sæti ensku úrvalsdeildarinnar þegar gert var hlé á enskum fótbolta. Þá var liðið sömuleiðis komið í átta liða úrslit ensku bikarkeppninnar. 

• Blogga um frétt