Chelsea meistari í öðru sæti og Liverpool sent niður um deild

Enska úrvalsdeildin í kvennaflokki í knattspyrnu gaf í dag endanlega út niðurstöðurnar fyrir keppnistímabilið 2019-20 en ákveðið var fyrir nokkru að tímabilinu væri lokið þó liðin hafi spilað á billinu 13-16 leiki hvert af 22.

Manchester City er með 40 stig en Chelsea 39 í tveimur efstu sætunum en þar sem Chelsea hefur leikið einum leik minna er félagið úrskurðaður enskur meistari 2020 á betra stigahlutfalli en Manchester City. Arsenal er í þriðja sæti með 36 stig.

Eitt lið fellur úr deildinni og það kemur í hlut Liverpool, meistaranna frá 2013 og 2014, að fara niður. Liðið var einu stigi á eftir Birmingham sem var í ellefta og næstneðsta sætinu, og þremur á eftir Bristol City. Það verður Aston Villa sem tekur sæti Liverpool í deildinni en Villa er með sex stiga forystu á toppi B-deildarinnar.

• Blogga um frétt