Liverpool varð í kvöld Englandsmeistari í fótbolta í fyrsta skipti í 30 ár. Varð það ljóst eftir að Manchester City mistókst að vinna Chelsea á útivelli, en lokatölur urðu 2:1, Chelsea í vil. Liverpool er með 86 stig og Manchester City með 63 stig þegar sjö umferðir eru eftir af deildinni.
Eins og gefur að skilja voru leikmenn Liverpool kátir þegar flautað var til leiksloka, en þeir hittust og fylgdust með leiknum í sjóvarpinu og fögnuðu vel og innilega þegar titillinn var í höfn.
Myndband af leikmönnum fagna má sjá í spilaranum hér fyrir ofan en mbl.is færir ykkur efni úr enska boltanum í samvinnu við Símann sport.