United í undanúrslit eftir framlengingu
Setja bókamerki
Manchester United er komið í undanúrslit enska bikarsins í fótbolta eftir nauman 2:1-sigur á Norwich í framlengdum leik á Carrow Road. Harry Maguire skoraði sigurmarkið á 118. mínútu.
Eftir tíðindalítinn fyrri hálfleik skoraði nígerski framherjinn Odion Ighalo fyrsta markið á 51. mínútu er hann afgreiddi boltann í netið af stuttu færi. Norwich gafst ekki upp og Todd Cantwell jafnaði á 75. mínútu með skoti af löngu færi.
Á 89. mínútu dró til tíðinda. Ighalo var við það að sleppa í gegn þegar Timm Klose í vörn Norwich togaði hann niður. United fékk aukaspyrnu og Klose var rekinn af velli. Í kjölfarið var flautað til leiksloka United var með ellefu menn gegn tíu í framlengingu.
Eftir stanslausa pressu í tæplega 30 mínútur kom loks sigurmarkið undir lokin er Maguire potaði boltanum inn af stuttu færi eftir að varnarmenn Norwich mistókst að koma boltanum í burtu eftir sendingu Paul Pogba og þar við sat.
Þrír leikir eru á dagskrá á morgun; Sheffield United og Arsenal eigast við í Sheffield, Leicester fær Chelsea í heimsókn og Newcastle og Manchester City mætast í Newcastle.
| Norwich | 1:2 | Man. Utd |
|
|---|---|---|---|
| Leik lokið United getur spilað miklu betur, en þetta hafðist eftir framlengingu. | |||
Skiptir miklu meira máli en fólk grunar
„Það þarf að vinna mikinn fjölda upp“
„Okkur miðar í rétta átt“
Veiting hvalveiðileyfis ekki brot á EES-samningi
Æskuvinur Íslendings myrtur í Noregi
Tveir í bílnum sem lenti utan vegar
Verðbólgan komin niður í 6%