Arsenal vann sinn fjórða sigur í röð í öllum keppnum er liðið lagði Wolves, 2:0, á útivelli í ensku úrvalsdeildinni í fótbolta í kvöld. Munar nú þremur stigum á liðunum, Wolves er í sjötta sæti með 52 stig og Arsenal í sjöunda sæti með 49 stig.
Fyrri hálfleikur var rólegur framan af en Arsenal var með 1:0-forystu í hálfleik þar sem Bukayo Saka skoraði á 43. mínútu. Adama Traoré fékk gott tækifæri til að jafna í seinni hálfleik en hann vippaði boltanum yfir markið einn gegn Emiliano Martínez í marki Arsenal.
Gestirnir refsuðu því Joe Willock átti góða sendingu á varamanninn Alexandre Lacazette á 86. mínútu og Frakkinn þakkaði fyrir sig og skoraði, stöngin inn og þar við sat.
Wolves | 0:2 | Arsenal | Opna lýsingu Loka | |
---|---|---|---|---|
90. mín. Granit Xhaka (Arsenal) fær gult spjald Hendir sér í tveggja fóta í uppbótartíma í stöðunni 2:0. Kjánalegt. | ||||
Augnablik — sæki gögn... |