Chelsea styrkti stöðu sína í þriðja sæti ensku úrvalsdeildarinnar í knattspyrnu með naumum 1:0 sigri á föllnu liði Norwich City á Stamford Bridge í London í kvöld.
Chelsea er komið með 63 stig og á tvo leiki eftir en Leicester og Manchester United eru með 59 stig og eiga þrjá leiki eftir. Tvö þessara liða tryggja sér sæti í Meistaradeild Evrópu.
Olivier Giroud skoraði sigurmark Chelsea í uppbótartíma fyrri hálfleiks með skalla eftir fyrirgjöf frá Christian Pulisic.
Það helsta úr leiknum var uppfært hér á mbl.is:
90. Leik lokið með sigri Chelsea, 1:0.
75. Óbreytt staða á Stamford Bridge og Chelsea er með 1:0 forystu.
46. Seinni hálfleikur er hafinn.
45. Hálfleikur í London og staðan er 1:0 fyrir Chelsea.
45. 1:0 - Olivier Giroud kemur Chelsea yfir á þriðju mínútu í uppbótartíma fyrri hálfleiks með skalla af markteig eftir fyrirgjöf Christians Pulisic frá vinstri.
30. Staðan er 0:0 á Stamford Bridge.
1. Leikurinn er hafinn.
Chelsea er með 60 stig í þriðja sæti og í hörðum slag við Leicester og Manchester United, sem bæði eru með 59 stig, um tvö sæti í Meistaradeild Evrópu. Wolves með 55 stig gæti mögulega blandað sér í þá baráttu. Norwich er neðst með 21 stig og er þegar fallið úr deildinni.