Enska knattspyrnufélaginu Wycombe Wanderers tókst að vinna sér sæti í ensku B-deildinni í fyrsta sinn í 133 ára sögu félagsins en með liðinu spilar hinn afar geðþekki framherji Adebayo Akinfenwa.
Akinfenwa er oft kallaður sterkasti fótboltamaður Englands en hann er kraftalegur í útliti. Hann er orðinn 38 ára gamall og skoraði tíu mörk í 32 leikjum fyrir liðið í vetur en kappinn er frægur fyrir ást sína á Englandsmeisturum Liverpool og stjóranum Jürgen Klopp.
Eftir að Wycombe sigraði Oxford United 2:1 í úrslitaleik umspils C-deildarinnar á Wembley í gærkvöld fór Akinfenwa á kostum í viðtali við Sky Sports eftir leik og sagði meðal annars: „Sá eini sem má hringja í mig á WhatsApp er Klopp svo við getum fagnað saman!“
Þýski þjálfarinn, sem stýrði Liverpool til sigurs í úrvalsdeildinni í fyrsta sinn í 30 ár á dögunum, lét ekki segja sér það tvisvar og hringdi í Akinfenwa en skemmtilegt samtal þeirra má sjá í spilaranum hér að neðan.
Are u crazyyyyyyy the man, the myth, the legend sent me a Watsapp. Today can’t get any better. Thank you Klopp #YNWA #Beast20 #BeastMode we did it #champHereWeCome 💪🏿🙏🏿💙 pic.twitter.com/9RgiKZkYt2
— daRealAAkinfenwa (@daRealAkinfenwa) July 13, 2020