Manchester United er fyrir neðan Leicester á markatölu er liðin berjast um 4. sætið og þátttöku í Meistaradeild Evrópu á næstu leiktíð en United vann 2:0-útisigur á Crystal Palace í ensku úrvalsdeildinni í knattspyrnu í kvöld.
Mörk United voru afar flott en í báðum tilvikum spiluðu sóknarmenn liðsins sig í gegnum varnarmenn Crystal Palace. Marcus Rashford kom gestunum yfir í uppbótartíma fyrri hálfleiks eftir góðan undirbúning Bruno Fernandes. Heimamenn héldu að þeir væru að jafna metin snemma í síðari hálfleik þegar Jordan Ayew potaði knettinu í netið á fjærstönginni eftir fyrirgjöf Wilfried Zaha. Eftir að atvikið var athugað af myndbandsdómurum kvöldsins kom í ljós að Ayew var rangstæður og markið dæmt af þó munað hefði litlu.
Frakkinn Anthony Martial innsiglaði svo sigurinn á 78. mínútu með laglegu marki eftir frábæran undirbúning Marcus Rashford og Anthony Martial. Mörkin og allt það helsta úr leiknum má sjá í spilaranum hér að ofan.