Raheem Sterling skoraði tvívegis fyrir Manchester City þegar liðið vann stórsigur gegn Watford á Vicarage Road í ensku úrvalsdeildinni í fótbolta. Leiknum lauk með 4:0-sigri City en staðan að loknum fyrri hálfleik var 2:0, City í vil.
Er Watford nú komið í fallsæti og í afar slæmum málum fyrir lokaumferðina þar sem liðið mætir Arsenal. City hafði fyrir löngu tryggt sér annað sætið.
Svipmyndir úr leiknum má sjá hér fyrir neðan en mbl.is færir ykkur efni úr enska boltanum í samvinnu við Símann sport.