Gæti skrifað undir í vikunni
Setja bókamerki
Willian, sóknarmanni enska knattspyrnufélagsins Chelsea, hefur heldur betur snúist hugur en ensku miðlarnir Sky Sports og BBC segja að hann muni endurnýja samning sinn við félagið í vikunni.
Brasilíumaðurinn verður samningslaus hjá Chelsea á næstu dögum og voru allar líkur taldar á því að hann myndi róa á önnur mið. Voru m.a. Arsenal, Barcelona, Manchester United og Inter Miami, knattspyrnulið Davids Beckhams, nefnd til sögunnar.
Sóknarmaðurinn, sem er orðinn 31 árs gamall, kostaði 30 milljónir punda en hann kom til enska félagsins frá Anzhi Makhachkala í Rússlandi á sínum tíma. Willian hefur verið algjör lykilmaður í liði Chelsea undanfarin ár en hann hefur tvívegis orðið Englandsmeistari með liðinu, 2015 og 2017. Þá varð hann bikarmeistari með Chelsea 2018 og Evrópumeistari 2019. Willian á að baki 70 landsleiki þar sem hann hefur skorað níu mörk en hann lék sinn fyrsta landsleik árið 2011.
„Þögnin er ærandi“
Kvikan virðist nú skiptast til helminga
Bjarkey stendur við skammarbréf Svandísar
„Menn eru bara búnir að forgangsraða“
Ekki byggt í takt við áform sveitarfélaga
Markaðurinn hitnar og leiguverð hækkar hratt
Kveðst tala af virðingu: „Ég er enginn dóni“
Mikil skjálftavirkni á landinu áhyggjuefni