West Ham vill fá leikmann QPR

Enska úrvalsdeildarfélagið West Ham hefur mikinn áhuga á að fá Eberechi Eze frá QPR. Að sögn Guardian vill QPR frá 20 milljónir punda fyrir sóknarmanninn sem er 22 ára. 

Félög á borð við Aston Villa, Crystal Palace, Necastle og WBA hafa einnig sýnt Eze áhuga en West Ham er talið líklegast til að semja við leikmanninn. 

Eze skoraði 14 mörk á leiktíðinni í ensku B-deildinni og er talinn einn besti ungi leikmaður Englands utan úrvalsdeildarinnar. Hann lék sinn fyrsta leik með QPR árið 2017. Eze hefur leikið með U21 árs landsliði Englendinga að undanförnu. 

• Blogga um frétt