Knattspyrnumaðurinn Willian verður kynntur til leiks hjá Arsenal á næstu 48 tímum, en hann kemur til félagsins á frjálsri sölu frá Chelsea. Sky sports greinir frá. Mun hann gera þriggja ára samning við Arsenal.
Brasilíumaðurinn varð samningslaus um mánaðarmótin en hann ákvað að gera ekki nýjan samning við Chelsea þar sem félagið vildi aðeins bjóða honum tveggja ára samning, en Willian vildi þriggja ára samning.
Hann hefur skorað 63 mörk í 339 leikjum fyrir Chelsea en sóknarmaðurinn verður 32 ára á sunnudaginn. Hann gæti orðið áttundi leikmaðurinn frá stofnun ensku úrvalsdeildarinnar sem skiptir beint á milli þessara tveggja Lundúnaliða.