Enska úrvalsdeildin í knattspyrnu hófst aftur um helgina eftir stutt sumarfrí en mörg falleg mörk litu dagsins ljós í fyrstu umferð deildarinnar.
Reece James skoraði eitt af mörkum tímabilsins þegar Chelsea heimsótti Brighton í gær en hann lét vaða af 30 metra færi og boltinn söng í samskeytunum.
Þá skoraði Mohamed Salah þrennu fyrir Liverpool gegn nýliðum Leeds en annað mark Egyptans var einstaklega glæsilegt.
Raúl Jiménez kom Wolves yfir með lalegu marki strax á 3. mínútu gegn Sheffield United eftir stórbrotna skyndisókn en öll þessi mörk eru á listanum yfir þau fallegustu um helgina.
Mbl.is færir ykkur efni úr enska boltanum í samvinnu við Símann Sport.