Enska knattspyrnufélagið Aston Villa hefur gengið frá kaupum á markverðinum Emiliano Martínez frá Arsenal fyrir 20 milljónir punda.
Martínez er 28 ára gamall Argentínumaður sem hefur verið í röðum Arsenal í átta ár en verið lánaður til sex félaga á þeim tíma, Oxford, Sheffield Wednesday, Rotherham, Wolves, Getafe og Reading. Hann lék aðeins 15 leiki í marki Arsenal í úrvalsdeildinni á þessum átta árum en 23 leiki í öðrum mótum.
Rúnar Alex Rúnarsson, markvörður Dijon í Frakklandi, hefur verið sterklega orðaður við Arsenal síðustu daga sem arftaki Martínez hjá enska félaginu.