Jóhann Berg Guðmundsson, landsliðsmaður Íslands í knattspyrnu og leikmaður Burnley í ensku úrvalsdeildinni, var í byrjunarliði Burnley sem leikur nú gegn Sheffield United í 1. umferð enska deildabikarsins á Turf Moor í Burnley.
Jóhann Berg entist aðeins í tíu mínútur á vellinum því hann var tæklaður illa snemma leiks og þurfti að yfirgefa völlinn á börum með súrefnisgrímu en þetta kom fram á samfélagsmiðlum Burnley.
Stuðningsmenn félagsins, sem hafa verið að fylgjast með textalýsingunni á Twitter, voru allt annað en sáttir með tæklinguna og vildu sjá rautt spjald fara á loft.
Jóhann Berg hefur verið afar óheppinn með meiðsli undanfarin ár og því lítið getað spilað með Burnley en hann byrjaði einungis sex leiki í ensku úrvalsdeildinni á síðustu leiktíð.
14' The Clarets are forced into an early change, as Gudmundsson leaves the pitch on a stretcher, Pieters will replace the winger. 0-1
— Burnley FC (@BurnleyOfficial) September 17, 2020