Meiðsli Jóhanns Bergs Guðmundssonar landsliðsmanns í knattspyrnu virðast ekki vera eins alvarleg og óttast var í gærkvöld þegar hann var borinn af velli í leik Burnley og Sheffield United í deildabikarnum.
Sean Dyce knattspyrnustjóri staðfesti á heimasíðu félagsins að liðbönd hefðu skaddast en sagði að útlitið væri aðeins betra en menn hefðu verið hræddir um í gærkvöld. Engin tímamörk hefðu þó verið sett á endurkomu Jóhanns enn sem komið væri.