Enska knattspyrnufélagið Liverpool hefur gengið frá kaupum á portúgalska sóknarmanninum Diogo Jota á 40 milljónir punda en upphæðin getur hækkað í allt að 45 milljónum. Kemur hann til félagsins frá Wolves.
Jota kom til Wolves árið 2017 og hefur verið lykilmaður hjá liðinu allar götur síðan, fyrst í B-deildinni og síðan úrvalsdeildinni.
Hefur Jota alls leikið 131 leik með Wolves og skorað 44 mörk. Skoraði hann 16 mörk í 48 leikjum í öllum keppnum með Wolves á síðustu leiktíð. Jota hefur ekki komið við sögu á tímabilinu með Wolves.
Ki-Jana Hoever fer í hina áttina fyrir um 10 milljónir punda, en hinn 18 ára Hoever hefur enn ekki leikið deildarleik með Liverpool.