Kvikmyndaleikararnir Ryan Reynolds og Rob McElhenney hafa áhuga á að eignast velska knattspyrnufélagið Wrexham en liðið hefur verið í eigu stuðningsmanna síðan 2011.
Talsmaður eigenda, Spencer Harris, hefur greint frá áhuga leikaranna og segist hafa rætt við þá nokkrum sinnum vegna þessa. Auk þess fór fram atkvæðagreiðsla á meðal hluthafa um hvort fara eigi í viðræður við þá félaga og 95% kusu með því.
Þar af leiðandi er ljóst að leikararnir eru í viðræðum um kaup á félaginu en ekki fylgir sögunni hvers vegna þess hafa áhuga á knattspyrnufélagi sem leikur í fimmtu efstu deild á Englandi.
Ryan Reynolds fær vel greitt fyrir að leika á hvíta tjaldinu og hefur ávaxtað féð en frá því hefur verið greint að hann hafi hagnast vel á ýmsum fjárfestingum.