Meiðslalistinn lengist hjá City

Brasilíski knattspyrnumaðurinn Gabriel Jesus mun ekki leika með Manchester City næstu þrjár vikurnar vegna meiðsla sem hann varð fyrir í 3:1-sigri liðsins á Wolves í ensku úrvalsdeildinni á mánudaginn var. 

Sergio Agüero er sömuleiðis að glíma við meiðsli og verður hann væntanlega frá í sjö vikur til viðbótar. Er hinn 17 ára gamli Liam Delap eini meiðslalausi framherjinn í leikmannahópi City. 

Raheem Sterling getur spilað sem framherji og gæti hann leyst Jesus af hólmi er City mætir Leeds og Leicester í næstu leikjum. 

• Blogga um frétt