„Að tapa svona er versta tilfinning í heimi“ sagði grútsvekktur Leandro Trossard, leikmaður Brighton, eftir 3:2-tap gegn Manchester United í ótrúlegum leik í ensku úrvalsdeildinni í knattspyrnu.
Bruno Fernandes skoraði sigurmarkið úr vítaspyrnu eftir að Chris Kavanagh dómari flautaði til leiksloka á tíundu mínútu uppbótartímans en vítaspyrnan var dæmd eftir skoðun myndbandsdómara. Brighton var töluvert sterkari aðilinn og skaut Trossard sjálfur boltanum þrisvar sinnum í stöngina.
„Þetta var einn af þessum dögum, við fengum fullt af færum en boltinn vildi ekki inn.“ sagði sóknarmaðurinn í viðtali við BT Sport.