Callum Wilson tryggði Newcastle stig gegn Tottenham á útivelli í ensku úrvalsdeildinni í knattspyrnu í dag þegar hann jafnaði metin úr vítaspyrnu undir lok uppbótartímans, 1:1.
Vítaspyrnan var dæmd á Eric Dier sem fékk boltann í höndina utarlega í vítateignum og hún var dæmd eftir skoðun á myndböndum.
Tottenham stefndi í sigur en Lucas Moura hafði komið liðinu yfir á 25. mínútu eftir sendingu frá Harry Kane.
Tottenham og Newcastle eru nú bæði með fjögur stig eftir þrjá leiki í deildinni.