Nuno Santos markvarðaþjálfari enska úrvalsdeildarfélagsins Tottenham var í dag úrskurðaður í eins leiks bann og sektaður um 8.000 pund, tæplega 1,5 milljónir króna, vegna hegðun sinnar eftir 1:1-jafntefli liðsins við Newcastle á sunnudaginn var.
Santos fékk rautt spjald í leikslok fyrir mótmæli, en liðsmenn Tottenham voru æfir vegna vítaspyrnu sem Newcastle fékk í uppbótartíma og Callum Wilson skoraði sigurmarkið úr. Santos viðurkenndi brot sitt eftir kæru enska knattspyrnusambandsins.
José Mourinho knattspyrnustjóri Tottenham fór beint í búningsklefa eftir leik og vildi ekki ræða um atvikið í fjölmiðlum. Viðurkenndi Mourinho að hann yrði eflaust sektaður ef hann myndi láta skoðun sína í ljós.