Paul Scholes, fyrrverandi leikmaður Manchester United og enska landsliðsins, hefur tekið við starfi knattspyrnustjóra D-deildarfélagsins Salford City til bráðabirgða.
Scholes er einn eigenda félagsins en stjórinn, Graham Alexander, var rekinn úr starfi í morgun. Liðið er samt taplaust eftir fyrstu fimm leiki sína í deildinni, hefur unnið tvo leiki og gert þrjú jafntefli og er í fimmta sæti deildarinnar.
Scholes lagði skóna á hilluna árið 2013 en hefur lítið komið að stjórnun liða. Hann stýrði liði Salford til bráðabirgða í skamman tíma árið 2015 og tók síðan við Oldham í febrúar 2019 en hætti störfum eftir aðeins sjö leiki.