Sakar Ronaldo um brot á sóttvarnareglum
Setja bókamerki
Vincenzo Spadafora, íþróttamálaráðherra Ítalíu, segir að Cristiano Ronaldo, leikmaður Juventus og portúgalska landsliðsins, hafi brotið sóttvarnareglur á dögunum þegar hann flaug frá Lissabon til Tórínó.
Ronaldo greindist með kórónuveiruna síðasta þriðjudag og tók því ekki þátt í landsleik Portúgals og Svíþjóðar í A-deild Þjóðadeildarinnar en leiknum lauk með 3:0-sigri Portúgals.
Í staðinn flaug hann aftur heim til Ítaíu þar sem hann er búsettur og segir Spadafora þetta vera klárt brot á sóttvarnareglum.
„Hann þurfti sérstakt leyfi frá heilbrigðisvöldum til þess að komast inn í landið og ef hann fékk það ekki er þetta brot á sóttvarnareglum myndi maður halda,“ sagði Spadafora í samtali við ítalska fjölmiðla.
Juventus hefur hins vegar maldað í móinn og sagt að Ronaldo hafi fengið sérstakt leyfi til þess að ferðast aftur til Ítalíu.
Sóknarmaðurinn verður fjarri góðu gamni um helgina þegar liðið heimsækir Crotone í ítölsku A-deildinni en hann þarf að vera næstu tíu dagana í sóttkví ásamt því að fá neikvæða niðurstöðu úr næsta kórónuveiruprófi.
Þrjú og hálft ár fyrir skotárás í Úlfarsárdal
„Ert þú þá svona latte-lepjandi hjólagaur?“
Myndskeið: Braut rúðurnar og rölti svo í burtu
Aukin tíðni þungunarrofa hjá yngsta aldurshópnum
Fjárfestingin 115 milljarðar króna
Starfsfólk gæti fengið reikning frá Skattinum
Markaðurinn hitnar og leiguverð hækkar hratt